Чӏоагӏа лаьттача догӏаша зе даь моттигаш йий хьожаш хилар Магӏалбика администраце кулгалхо
21.05.2026 08:51
Геттара чӏоагӏа лаьттача догӏаша зе даь моттигаш малагӏаш я хьожаш, чакхваьлар Магӏалбикерча администраце кулгалхо Боканаькъан Мухьмад. Догӏан хишта лаьрхӏа дола харшаш цӏендеш боахк цу оагӏонцара болхлой.
«Догӏаш латтарах зе хиннача шахьарерча № 18 йолча ишкола хьал тахка ваха хилар хьаким. Хиш сайцача моттигашка болх дӏахьо, аьнна, тӏадиллар цо. Иштта цу гӏулакхо вахара хьал толхадаьрашта гӏо де дезилга белгалдир мэра. Базорканаькъан цӏерах болча ураме ваха тӏема операце доакъашхо волча чуэттар из.
Массехк дийнахьа ца соцаш лаьттача догӏаша зе даьд цун цӏенна», - дийцар «Сердалога» Магӏалбикерча администраце. Беррига болх мэра тӏахьожам беш дӏахьоргба. Догӏаша хӏама толхадаьрашта новкъостал деш, моттигаш меттайоалаеш къахьегаргда цига.
