Магӏалбика администраце кулгалхочун вӏашагӏкхетар хилар моттигерча Кагирхой кхелаца
Магӏалбик-Шахьара администраце кулгалхочо Боканаькъан Мухьмада кхетаче дӏайихьар моттигерча Кагирхой кхела доакъашхошца. Из кхетаче ечарна чубоагӏаш ба, тайп-тайпарча профессиональный даькъ тӏара, 15 йоӏи зӏамига саги. Уж берригаш а ба Магӏалбик дегӏайоалаяра юкъара уйла тӏайохийташ. Цар из болх мах боацаш лелабу, шоай мукъа ха йолча хана дагабоалаш, шоашта нийсагӏа, бакъахьа хетар оалаш.
«Оаха дийцар укх шера бе лерхӏача балхах, белгалдир де дезар. Керттера терко тӏаяхийтар кхела тоаба кердаяккхара. Лоархӏаме да цу юкъе хьинар долаш, бехктокхаме бола нах хилар. Со тешаш ва кагирхой кхел дика новкъостал деш хургья, аьнна, Магӏалбика кагирхошта дагалатташ дола хаттараш кхоачашдеча. Бе безаш кхы а дукха болх ба, цо пайда бахьаргба», - аьлар Боканаькъан Мухьмада «Сердало» газетага.
Магӏалбика кагирхой кхел хьакхеллай шахьара администрацена чуйоагӏаш, цо ше хьинар долаш а, кердадараш юкъедахара кийча йолаш хилар а хьагойтад. Цу хьинар долча тоабо, Mагӏалбика бахархой вахар сийрдагӏа, дикагӏа хилийта кхоачашдаьд итташ гӏулакхаш.
