Наьсарен-Шахьара администраце кулгалхочо баркал аьлар, мехка дикагӏа йолча почтамта болхлошта
Наьсарен почтамта кулгалхочунна Галай Мухьмада, цун болхлошта баркал аьлар Наьсарен-Шахьара администраце кулгалхочо Оздой Руслана. Цо уж хоастабеш дош аьлар, цар лакха балха говзал хиларах, из бахьан долаш, моттигерча бувзама даькъо Россе дикагӏа йолча почтамта цӏи яьккхар, 2025 шера баьча балха толамех.
«Наьсарен почтамт мехка гӏолла дикагӏчарех хилар - из да оаш дика къахьегаш хилар, еррига коллектив барт, цхьоагӏо йолаш хилар. Цох доаккхал ду Наьсарен-Шахьаро санна ерригача Россе а. Цунца оаш хьагойтар шоай болх безаш хилар», - аьлар Оздой Руслана, почта болхлой кулгалхочунца Галай Мухьмадаца кхетаче йолаш.
Наьсарен почтамт - республикан УФПС йоккхагӏа йола моттиг я. Цунна чудоагӏа 25 почта бувзама дакъа, царех 10 шахьарашка, 15 юрташка да.
«Сердало» газета яздаь ма хиллара, мехка хьалхара моттиг елар Наьсарен почтамта, цо таьрахьий хьалаш дика юкъедахарах, чура балха хьалаш хьакхолларах, бахархошта гӏулакх дар тоадарах.
