Наьсарен администраце кулгалхочо нах тӏаийцар
Наьсарен администраце кулгалхочо, Оздой Руслана аргӏанара нах тӏаэцаш, ди дӏадихьар. Из хьежар 36 сага дехарашка. Цу дийнахьа кхетаче йолаш, 16 сага хаттарашта жоп делар. Юхедиса хаттараш, лаьрххӏа йола ха а йилла, уж кхоачашде декхарийла долча боахамашка дӏадахьийтар. Цхьа дола хаттараш кхетаче йолаш кхоачашде болабелар.
«Бахархоша дийцача хаттарашта юкъе дар урамашка сердал хилийтар, керда фусамаш йоахкача моттиге жагӏа биллар, лаьтташта юкъера доазув къоастадар. Цига иштта хьежар Московски урамах №21 йолча цӏен бахархой хаттарга, цига хӏанз а дӏахьош да балхаш. Дийца даьнна хаттараш кхоачашде болабелар, цу хаттарех долча боахамашта тӏадиллар уж сиха кхоачашдар, цу юкъе нахаца бувзаме хилар.
Из доацаш, цхьацца долча вӏаштӏардаьча цӏеношка бахача наха кхайкарал дир, фусам-даьй юкъарло хьакхолларца дувзаденна», - аьлар «Сердало» газетага Наьсарен шахьара администраце.
Нах тӏаэцаш долча дийнахьа, царца шоашца къамаьл хилча, Наьсарен администраце таро хул цар хьашташ дикагӏа довза, шахьара вахара хьалаш лакхде. Цу тайпара болх беш хиларо новкъостал ду шахьара кулгалхошта, хӏара микрорайоне хьал мишта латт ха.
