Мехка кулгалхочо белгалдир, карарча хана инвестиционни тӀорме чу 40 совгӀа проект йолга. Царна юкъе белгала я Ӏаьлий-Юртара кӀалах еча хӀамай промышленни технопарк, Ӏалама газ (СПГ), криогенни доагор доаккхаш йола Илдарха-ГӀалий тӀара завод.

Лакхарча моттиге латт мехка таьрахьашцара экономика йоаржаяра болх, иштта Сбербанкагара «Ишкол 21». 500 совгӀа ИТ говзанчаш кийчбаьб цига тахан. Иштта геттара лоархӀамедарех да, тӀехьарча ялх шера мехка паччахьалкхен декхар 11,8 миллиарда тӀара 2,5 миллиарда тӀа ӀотӀадоагӀаш лохдалар.

Мехкадас белгалдечох, хицара хьал меттадоаладеш боккха болх ба мехка тахан дӀахьор. Юртара моттигаш тоаярах йолча программага гӀолла Южне 5,6 км кхоачаш керда хий чудиллад. 2027-ча шерга, 70% болх федеральни программашка гӀолла къахьегаш чакхбаккха лерхӀ, ООО «ИнвестСтройПроект» яха хиш цӀендеш йола завод йолайолийтаргья мехка.

Доккха гӀо деш, хам баь варгвоаца болх дӀахьош я тахан мехка «Сафмар» яха ганз. Мехкадас ма аллара, 2018-ча шера лоаман моттигашка 200 гӀалах тоаяьй 120 гӀала, иштта хьалъяьй ИТ-Академи.

«Республика тахан дикка къахьегаш, толамаш доахаш я. Тха керттера декхар - дуккхача шерашка пайдане, беркате хургдар доаржадар, хьакхоллар, къаман Ӏадаташ хьаллоацаш, кердадараш юкъекхувлаш», - белгалдир вай Мехкадас.