Мехкадас, ишколай кулгалхошца, ЕГЭ кийчо ярах дийцар
ГIалгIайчен кулгалхочо Келаматанаькъан Махьмуд-Iаьлас республикан ишколай директорашца кхетаче дIайихьар, паччахьалкхен аттестаци дIаяхьара дош дувца дагахьа. Из хоам газетага бир ГIалгIай Республикан Кулгалхочун зарбан болх лелабераша.
«ЕГЭ - из вай берий вахаре чоалхане отташ дола хьал да. Цар экзамен дика дIачуяларах тийша да, дIахо цар хургдола вахар, вай декхар да царна эшаш мел дола дика хьалаш из дIаялара хилийта. Уж хьаллаца беза эшача, паргIато хилийта еза царна, хIаране шийна ховш дар хьагойтара йола оагIув кийчъе еза, тIаккха боаккхаргба цар толам», - аьлар Келаматанаькъан Махьмуд-Iаьлас.
Шоай аргIагIа директораша мехка Кулгалхочун сатедир; ерригача ишколаша цаI йола экзамен дIаялара кийчо яьй, аьнна.
Кхетаче дIахьош иштта дийцар, дика хьалаш хилийта а кхерамзлен Iалашо яь хила а езарах, из эшаш да берашта а цар даьшта а.
Цунца дувзаденна, Мехкадас тIадиллар доал деча моттигашкарча кулгалхошта, цаI йола экзамен дIалуча ишколашта къаьстта терко яр.
