Келаматанаькъан Мухьмуд-ӏаьлас дийцар Золотов Викторца мехка кхерамзлен дешаш
Москве ше волаш, ГӏалгӀайчен Кулгалхочун къамаьл хилар Российски Федераце къаман гварде бӀун Федеральни гӏулакха кулгалхочунца, эскара инаралца, Россе турпалхочунца Золотов Викторца. Дийца дош дар массайолча оагӀорахьара бувзам лелабар, мехка доазон тӀа латтача Росгварде доакъошта юкъе.
Керттера терко тӀаяхийтар ГӏалгӀайчен Росгвардена хьалхашка латта декхараш кхоачашдарца дувзаденнача хаттарашта, иштта юкъарлон кхерамзлен Ӏалашо ярца моттигера хьал чӀоагӀа лоаттадара. Белгалдир, этта хьал сиха юстардаккхара кийчо хила езилга.
«Росгвардеца бувзам лелабар, хьалхашка латта декхараш цхьа барт болаш кхоачашдеш хилар да», - аьлар ГӏалгӀайчен кулгалхочо. Цо тешам белар дӀахо а цу даькъ тӏарча наха шоашта тӀадилла декхар дизза кхоачашдергхилара, наьха вахара кхерамзлен Ӏалашо ергхилара.
Кхетаче иштта чӀоагӀдир шинна а оагӀорахьара шоайла кхеташ, бувзам лелабеш хилар лоархӀаме долга, иштта ГӏалгӀай Республикера бокъонаш лораераш хьаллацара тӏехьа цхьоагӏо хилар а дийцар.
