Республикан къамий цхьоагӏон Денца селий даькъалабийцар вай Мехкадас
Республикерча къамий цхьоагӏон Денца даькъалабийцар вай мехкадас Келаматанаькъан Махьмуд-Ӏаьлас, Селий мехкара бахархой. Республикан кулгалхочо белгалдир, селашкахьа тайп-тайпара ӏадаташ, истори, культура йолаш, вӏаший барт болаш, къамаш дахаш хилар.
Вай Мехкадас хьоахадир, Гӏалгӏайчени Селий мехкаи юкъе тхьоврача хана денз, чӏоагӏденна латташ вошал, лоалахошта юкъе хила деза беркате гӏулакхаш долга. Даькъасте машар лорабеш, эггара хала ханаш латтача заман чухьа вӏаший оагӏув хьаллоацаш, кулг дӏа-хьа кховдадеш, гӏо де кийча болаш баьхаб шин мехкара нах. Россе Президент волча Путин Владимира белгалдаь декхараш хьаллоацаш, теркалдир Келаматанаькъан Махьмуд-Ӏаьлас моттигера ӏадаташ лорадеш, вӏаший бувзам болаш хилар лоархӏаме долга. Мехкадас иштта хьоахадир, Селий мехка культуран оагӏонцара тӏехьале къонабарий дегашка Даьхенцара безам чӏоагӏбара тӏехьа лоархӏаме моттиг дӏалоацаш йолга.
Селий мехка кулгалхочун декхараш кхоачашдеш вола Щукин Федор аьттонца, беркатаца, толамца ший гӏулакх дӏадахьа, хӏаьта бахархой бартаца, дика гӏулакхаш доаржадеш баха даькъалабийцар республикан Кулгалхочо.
