Гӏалгӏайчен кулгалхочо СМИ викалаш даькъалабийцар журналистий денца
Гӏалгӏайчен кулгалхочо Келаматанаькъан Махьмуд-Ӏаьлас СМИ викалаш даькъапабийцар Халкъашта юкъера журналистий денца. Цо белгалдир хӏара денна дӏахьош бола болх хьакхолл деша низаца, хинначунца, юкъарлон тешамца. Республикан Кулгалхочо белгалдир, журналистикан ший профессе араяьнна дукха ха я, аьнна; из боккха бехктокхам ба наха луча хьехамга, иштта хиннар бакъдолчун тӏехьа гойтарга, чоалхане хаттараш хьалъайде ховш хиларга диллача.
«Журналистий болх дика дӏахьош хиларах тийша да гонахьара кхоачамбоацараш гойтар, уж юстардахар. Цо таро лу ӏаьдала дикагӏа го нах мишта бах, иштта цу хаттарашта шоай ханнахьа жоп дала. Цудухьа журналисташца профессиональни къамаьл дӏахьош хилар, вай юкъарча балха лоархӏаме дакъа да.
Хила йиш я хаттараш тайп-тайпара кхетадеш а, цу тӏехьа къовсаме воалаш а. Бакъда долаш дар да юкъара вайна эшар - республика дикагӏа хилийтар. Баркал Гӏалгӏайчен журналисташта, къаьстта гӏалгӏай журналистика ветеранашта, итташ шерашка шоай профессиональни ӏадаташ вӏашагӏдехкача радио, телевидене, пресса болхлошта. Царех дуккхабараш тахан дӏахо а болх беш ба, шоай балха говзал кагирхошца екъаш. Цар профессиональни никъ - из Гӏалгӏайчен исторе оагӏув я», - аьлар республикан кулгалхочо.
Ший кхайкарал чакхдоалаш, Келаматанаькъан Махьмуд-ӏаьлас къоаламца, микрофонашца болх беш мел вар даькъалкавийцар, уж профессиональни дегӏаахар, цар керда толамаш дахар ловш.
