Тохкама комитета болхлой, цу оагIон 19 шу дизарца даькъалабийцар вай Мехкадас
Россе Тохкама комитета болхлой, из оагIув хьакхелла 19 шу дизарца даькъалабийцар вай мехкадас Келаматанаькъан Махьмуд-Iаьлас. Ший къамаьла юкъе республикан кулгалхочо белгалдир, комитета къахьегамхой нийсхо хьаоттаяра, бокъонаш лораяра тIехьа лоархIаме декхараш кхоачашдеш хьабоагIилга.
Тохкамхой ба хIара денна бахархой бокъонаш лораеш, нийса доацар чакх ца доалийташ латтараш. Къаьстта баркал аьлар вай Мехкадас мехкарча Тохкама оагIон хьалха латтача Асхабов Ахьмада, моттигерча тоабанна.
Бокъонаш лораяра тIехьа, цу наха шоай декхараш дизза кхоачашделга белгалдир республикан кулгалхочо. «Шоана тIалатта декхараш тахан аттачарех дац. БоаггIача боараме, дог лазаш къахьегаш хиларах баркал хилда шоана», - аьлар вай Мехкадас.
Могаш, маьрша болаш, иразе, беркатаца, шоай гIулакхе дукха толамаш доахаш, республикерча бахархой бокъонаш боаггIача боараме лораяра тIехьа хьинаре къахьегаш болаш, баха даькъалабийцар уж Келаматанаькъан Махьмуд-Iаьлас!
