Татрий мехка бахархой Республикан, Казань яхача шахьара Денца даькъалабийцар вай Мехкадас
Республикан, Казань яхача шахьара Денца татрий мехкара нах даькъалабувцаш, Минниханов Рустамага къамаьл дир вай мехкадас Келаматанаькъан Махьмуд-Ӏаьлас. Мехка кулгалхочо белгалдир: «Татарстан хӏара денна ший хӏама тоадеш, культураца, истореца, ӏадаташца дувзаденнараш лорадеш, къахьегаш республик йолга, хӏаьта Казань дукхача хана денз массанена езаенна, таханарча Россе вахаре лоархӏаме моттиг дӏалоацаш шахьар я.
Гӏалгӏайченна, Татарстана юкъе барт, бувзам хилар лоархӏаме да. Вӏаший оагӏув хьаллаца кийча хиларо дукхача дикашка кхачара тӏехьа вай аьттув боаккхаргхиларах дог тийша ва со. Гӏалгӏай республиканна, Татарстана юкъе тешаме бувзам, цхьоагӏо хилар доккха да тахан. Дӏахо йодача хана а, иштта вӏаший оагӏув хьаллаца кийча болаш, дика-во декъаш хургба, аьнна, хет сона шинна республике».
Шоай хӏама кхы а дикагӏа тоадара, хӏара денна доккхагӏа долча толамашка кхачара тӏехьа къахьега даькъалабийцар вай Мехкадас Татарстана бахархой. Иразе, беркатах дизза, маьрша хилда шун вахара денош! Тахан санна массанена езаш, дукха нах тӏалатташ, ший хӏама тоадеш, хьаьша тӏаэцар лакха лоархӏаш шахьар хийла Казанах дӏахо а!
