Гӏалгӏайчен Кулгалхочо  даькъалабийцар тӏема ветеранаш цар Денца

Республикан кулгалхочо яхачох, из да тайп-тайпарча ханашка вай Даьхен хьашташ кхоачашдеш лаьттача  наьха лерхӏам беш дола ди. Цар сий долаш кхоачашдаьд тӏема декхараш, уж денал гойташ чакхбаьннаб халонех.

Келаматанаькъан Махьмуд-Ӏаьлас, ше кхайкарал деш, хӏаранена баркал аьлар; денал, майрал гойташ, тӏема декхар дизза кхоачашдеш уж чакхбаларах. Къаьстта дола дагалоаттама дешаш аьлар тахан тӏем тӏара цӏа ца боагӏаш бисарех. Царна карагӏдаьннар вай дегашка даим дахаргда.

«Тӏема ветеранашта юкъе кӏезига бац Гӏалгӏайчен къонгаш. Цар дӏахьош дола гӏулакх – бехктокхам хилара, Даьхенна мутӏахьа хилара масал да. Беррига ветеранаш могаш бахалба дукхача шерашка, цар фусамашка машар, ираз хилда», - аьлар мехка Кулгалхочо.