Гӏалгӏайчен Кулгалхочо даькъалабийцар Магаса бахархой
Гӏалгӏайчен кулгалхочо Келаматанаькъан Махьмуд-Ӏаьлас даькъалайийцар Магас а цун бахархой а 32 шу дузаш хиларца, яхаш, дийцар «Сердало» газетага ГӏР кулгалхочун зарбан болх лелабераша.
«Гӏалгӏайчен кердача исторе лоархӏаме дакъа хинна дӏаэттар Магас хьакхоллар. Дӏадахача шерашка из шахьар политически, административни, юкъарлон оагӏонашка диллача, чӏоагӏъенна дӏаэттай», - аьлар Макшарипа Махьмуд-Ӏаьлас цу лоархӏамеча хьалах дувцаш.
Цо аьлар, ше нахаца къамаьл деш, шахьара хозача белгалонах - 100 метр лакха йолча Барта Гӏалах. Цунца белгалбоалаш ба къаман барт, йохаргйоацаш йола культура хьакхоллара бувзам, вай къаман хургдолчунга кхачар.
Махьмуд-Ӏаьлас белгалдир, массайолча оагӏорахьа республикан столица дегӏайоагӏаш хилар; Магасе, мах бола культура, Гӏалгӏайчен исторически тӏехьале йовза ухаш бола Россе регионашкара бахархой тӏакхеташ хилар.
«Магас, ӏадаташи паргӏатои езараш тӏахьехаш йола моттиг я. Баркал оал аз массанена, столица дегӏайоалаяра шийгара дакъа юкъе мел дихьарашта. Магас-Шахьар дӏахо а тоалуш, хозлуш хилар лов, цун бахархой могашал, аьттув, барт болаш бахалба.
Дала аьттув боаккхалба вай!» - аьлар ГӏР Кулгалхочо, ше ловца боаккхаш.
