АТК, Хьем боацача штаба кхетаче дӏахьош хилар Мехкада
Терроризм яхача доккхача зулама духьала къовсам лоаттабеча кхелаца, республикерча Хьем боацача штабаца кхетаче дӏахьош хилар вай мехкада Келаматанаькъан Махьмуд-Ӏаьла. Тахан мехка латтача хьалах, бахархой кхерамзлен оагӏонца дувзаденнараш лорадара тӏехьа кхоачашдерех дийцар гулбеннараша. Терроризм, экстремизм яхача зуламий наькъаш юххьанца долалуча хана хоададе дезилгах дийцар цига. Цу оагӏонцара болх боаггӏача боараме, лакха терко еш, лоаттабара тӏехьа юкъедоаладе дезараш белгалдир гулбеннараша.
«Терроризма духьала къовсам лоаттабеча кхело хьалхагӏа белгалдаь хиннараш кхоачашдеш малагӏа болх дӏабихьаб дийцар кхетаче. Белгалдир, тока, доагора, хӏама йохкаш, нах гуллуш йолча моттигашкара кхерамзлен хьал геттара чӏоагӏа лорадарах, терко лоаттаярах.
2024-2028-гӏа шераш чулоацаш, мехка цу оагӏонца кхоачашде дезарех дийцар кхетаче. Массахана лакха тӏахьожам беш хила дезаш, гӏулакх да из. Къаьстта къонача тӏехьенца кхетаченаш дӏакхахьа еза, цу бӏехача зулама юстара хилара уж тӏахьехаш, тахан латтача хана цох лорабалара тӏехьа кхоачашде дезараш белгалдеш. Цхьацца нах гуллуш йола йоккхий кхетаченаш дӏахьоча; иштта хаькъала Ди, терроризма духьале лоаттаяра цхьанкхетара Ди, хоржамаш долча хана къаьстта чӏоагӏа фийла болаш лораде деза цу оагӏонца дувзаденнараш», - язду вай Мехкадас ший Телеграм-оагӏон тӏа.
Кхетаче йистейоалаш, республикан кулгалхочо белгалдир цу оагӏонца болх дӏахьош кхоачашде деза декхараш, иштта деррига а лакхача боараме, боккха тӏахьожам беш кхоачашде дезилга.
