Психоневрологически диспансер тоаеш, дӀабихьача балхага хьежар Мехкада
Пхьилекъонгий-Юрта хьалъяьча психоневрологически, наркологически диспансерага хьажа ваха хилар вай Мехкада. Унахошта лаьрхӀа йола палаташ СанПина дӀадеххача тайпара йоацилга теркалдир республикан Кулгалхочо. Из хоам «Сердалога» бир Мехкадаь зарбан болх лелабераша.
«10 эзар кв метрага кхоачаш йола диазза вӀаштӀара яь дарбанче дийнахьа 100 саг тӀаэцаш, 150 сага Ӏе моттигаш йолаш хургья. Иштта наркоманех дарба дерашта 50 моттиг хургья, дарба де царна мел эшаш дола хӀама долаш», - йоах тхогарча хоамо.
Массайолча моттигашка хьежача Келаматанаькъан Махьмуд-Ӏаьлас гӀишлон балхех, унахцӀенон гӀулакхех йолча министерствошта тӀадиллар; теркалдаь кхоачамбоацараш цу балха хьалхалаттарашка ма хулла сихагӀа юстардахийта, аьнна. «Деррига кхоачамбоацараш юстардаьхача мара, болх бе йолалургьяц из моттиг, хӀаьта из кийча хила езаш я ер шу чакхдалалехь», - белгалдир Мехкадас.
