ГӀалгӀай къаман
юкъара газет

Новости


Гӏалгӏайчен Кулгалхочо дийцар моттигера дарбанчеш кердайоахаш хиларах

Гӏалгӏайчен Кулгалхочо дийцар моттигера дарбанчеш кердайоахаш хиларах

Гӏалгӏайчен Кулгалхочо Келаматанаькъан Махьмуд-Ӏаьлас, къаман проекташ кхоачашъяра хаттараш дувцача хана, белгалдир, Россе Президента могадеш, республикан унахцӏенон хьал кердадоаккхаш хилар. Республикан Кулгалхочо яхачох, ӏаьдало чӏоагӏъеш латт эшарий-технически дарбанчей кӏийле, иштта дикал лакха йола лорий гӏо дара керда гӏирсаш оттадеш латт.

Карарча шера республикан Паччахьалкхено, Тӏехьален ганзера тӏехьара тӏа хьожадир мах боацаш йола молхаш унахошта эцара 53 миллион сом. Из дувзаденна да паччахьалкхено новкъостал лоаттаде бокъонаш йола нах тӏакхеташ хиларца. Тӏехьара тӏа ахчанца таро йича, кхы а 122 унахочоа ца хадаш молхаш лоаттае йиш я. Уж ба цӏийоацар яраш, иштта цӏий бӏехдаларца, пехкашца дувзаденна хала лазараш дараш, уж шоай ханнахьа молхаш ца хилча мегаш бац.

Цунца цхьана республике дӏахьош ба дарбанчешка технически таронаш тоаяра болх. «Дӏаьха, дика вахар» яхача къаман проекта чудоагӏаш, 2026 шера хьалхарча лорий гӏо деча даькъ тӏа лазар гучадоаккхаш йола 32 техника ийцар, царех 25 хӏанз болх беш я лорий урхалленашка. Цу юкъе я рентген-аппараташ, пехкашта кизга увттаду дӏа-юха леладу гӏирсаш. Цул совгӏа, Шолжа кхален керттерча дарбанче керда МРТ аппарат ийцар, из кастлуш болх бе йолалургья.

Доккхий хувцамаш да Республикански клинически перинатальни центре «Дезал» яха проект кхоачашъеча. Цунна лаьрхӏа 236 керда гӏирс бахьаш ба.

Кердача аппараташа таро лу говзанчашта, берах болча кхалнаьха могашала тӏехьожам лоаттабе, бераш хьаэца, керда хьадаьча берашка бӏарглакха.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде
Вверх