ГӀалгӀай къаман
юкъара газет

Новости


Илдарха-Гӏалий тӏарча библиотекага хьажа ваха хилар сенатор Илезанаькъан Микаил

Россе Федераце Кхела доакъашхо вола Илезанаькъан Микаил дӏадахача бӏаьшерен 60-ча шерашка хьалъяьча, шахьара культуран Цӏагӏарча библиотека хьалага хьажа ваха хилар. Дукха шераш хьалха хьалъяьча гӏишлон гӏулакх тохкаш бар уж. «Сердалога» из хоам бера Илдарха-Гӏалий тӏарча администрацегара.

Библиотека кулгал деча Ӏамарханаькъан Маринас хьаьшашта дийцар цигарча кхоачамбоацарех. Цо белгалдечох, къаьнара гӏишло библиотеканна паргӏата яц, цунга хьежжа болх а боаггӏача боараме дӏабахьа аьттув балац. Ма дарра аьлча, книжкаш ӏооттаде, хьабаьхкача наха ӏоховша, ха йоаккхаш багӏа моттигаш таац цига. Массадола хӏама тишденна да.

Ӏамарханаькъан Маринас белгалдир, болх боаггӏача боараме дӏабахьа шахьара библиотеканна керда гӏишло эшилга.

Илезанаькъан Микаила белгалдир; шоаш цу гӏулакхага моттигерча, федеральни оагӏонашца ма хулла сихагӏа хьожаргда, аьнна. Йоккха юкъ ялале къоастадергда, боккха болх дӏахьош из библиотека тоайича я бакъахьа, е керда гӏишло хьалъяр нийсагӏа да.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде
Вверх