ГӀалгӀай къаман
юкъара газет

Новости


Гӏалгӏайченна, Ярославски областа Ростовски куранна юкъера бувзам чӏоагӏлуш ба тахан

Гӏалгӏайченна, Ярославски областа Ростовски куранна юкъера бувзам чӏоагӏлуш ба тахан

Ярославски областа Ростовски муниципальни оагӏон Думан кулгалхочунца Хазанаькъан Ахьмадаца кхетаче дӏайихьар мехкарча Халкъа Гуллама хьалха латтача Гаьгенаькъан Руслана. Парламенташта, муниципалитеташта юкъера бувзам чӏоагӏбарах дийцар цига.

Бокъоний оагӏонцара болх боаггӏача боараме тоабарах, пайдане хургда аьнна хетараш доаржадарах лаьца дар кхетачен керттера къамаьл. Гаьгенаькъан Руслана теркалдир, вӏаший бувзам болаш болх дӏабахьар дикка аьттув луш долга.

Ярославски областе бахача вай къаман наьха оагӏув хьаллоацаш хиларах, дийцар хьакимаша. Шинна хьакима белгалдир, республикан юкъарча оагӏонцарча вахаре дакъа лоацаш, тӏема операцен бӏухошта гӏо деш, иштта цига дешаш болча студенташка, халача хьале барашка хьажар, терко лоаттаяр лоархӏаме долга.

Хазанаькъан Ахьмада теркалдечох, Ростовски муниципальни оагӏонца вай мехкарча парламенто депутатий декхарашца, иштта бахархошцарча гӏулакхашца къоастадераш хьаллоацаш болга. Белгалде деза,

Хазанаькъан Ахьмад Ярославски областа ЖКХ оагӏонца тайп-тайпара балхаш леладеш хиннилга, цо къахьийгад областерча департамента газ лоаттаярах йолча комитета кулгалхочун гӏонча волаш. 2013-ча шера ахкан хьалхарча беттагара 2025-ча шерарча бекарга беттага кхаччалца йолча хана, Ростовски кхален администраце кулгалхочун хьалхара гӏонча волаш, ЖКХ, гӏишлошъяра, доалахьарча хӏаман гӏулакхех дарашта тӏахьожам беш хиннав из. 2025-ча шерарча бекарга бетта 17-ча дийнахьа Ростовски муниципальни оагӏон Думан кулгалде хержар из.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде
Вверх