ГӀалгӀай къаман
юкъара газет

Новости


Халмарзанаькъан Халидах джиу-джитсах вола кагирхошта юкъера дунен чемпион хилар

Халмарзанаькъан Халидах джиу-джитсах вола кагирхошта юкъера дунен чемпион хилар

Вай мехкахо Халмарзанаькъан Халид, дошо майдилг йоаккхаш, белгалваьлар халкъашта юкъерча яхье. Ниqсагӏа аьлча, из яр 2026 шерара Абу Дабера джиу-джитсах йола кагирхошта юкъера дунен чемпионат. ОАЭ столице дӏайихьача йоккхача яхьашка гулбеннабар дунен тайп-тайпарча моттигашкара джиу-джитса спортсменаш.

«Сердалога» бенача хоамах, вай мехкахо геттара лакха говзал гойташ белгалваьлар цига. Лакхерча лагӏа тӏа ваьккха, дошо майдилг ӏоэллар цунна.

Белгалде деза, дӏадахача шера иштта йолча яхьашка из кхоалагӏа моттиг йоаккхаш белгалваьнна хилар, хӏаьта таханарча дошоча майдилго хьагойтар, ший говзал цо цхьа моллагӏча тайпара а йоацаш, дикка чӏоагӏъяьлга.

Котало яхьаш цӏавоагӏача спортсмена духьалбахабар цу оагӏонцарча министерствон кулгалхочун гӏонча вола Султиганаькъан Тӏахӏир, тренерий штаба доакъашхой, иштта цун цӏагӏара нах, новкъостий.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде
Вверх