ЛОР-дарбанча волча Хазанаькъанчо дувц, ОРВИ хилча лергашта, къамаргашта хила тарлуча ӏоткъамах
Берий республикански клинически дарбанчен лор-отоларинголог волча Хазанаькъан Ибрахӏима дийцар, вирусни инфекцеша къамаьл деча хана дӏа-хьа доалаш дола дукха лазараш доаржадарах. Белгалде деза, вирусаш къамаргашка совцалга, из бахьан долаш моллагӏа инфекци яржар кхерам хул. Дегӏа маьженаш лазаш, йӏовхал йолаш, уралатта низ боацаш хул саг, из хьал долча хана.
ЛОР оагӏонца Хазанаькъан Ибрахӏима дувцачох, респираторни вирусаш геттара кхераме лоархӏаш да, цар дегӏа гӏойле йоаярах. Лерга отит яха лазар, къамаргашта фарингит, ларингит яха лазараш доаржадеш да уж вирусаш. Цул совгӏа, кӏоаргагӏа ӏочуяьннача инфекце синусит, бронхит, пневмони хьатӏадаккха йиш я сага. Лора белгалду, из хьал ханнахьа теркалде, дарба де дезилга, хӏана аьлча кӏоаргдалийтача геттара чӏоагӏа саг кӏалвуташ цамагар да из.