Вай мехкарча индустриальни колледже, денала урок дӏахьош хилар СВО ветеранаш
Вай мехкарча индустриальни колледже, денала урок дӏаяхьа гулбенна хилар СВО ветеранаш. «Даьхен лорабой» яхача ганза болхлоша Темарханаькъан Ӏийсас, Чиймарзанаькъан Марема тӏема операце доакъашхошца цхьана вӏашагӏабелла болх бар из.
Кхетаче, лоархӏаме хьаьший болаш, дакъа лоацаш бар СВО ветеранаш Овшанаькъан Адам, Хьаьшанаькъан Руслан, Темарханаькъан Амиран, Йовлой Беслан. Бӏухоша студенташта дийцар тӏема исторех, тӏема аренашкарча вошалах, доттагӏалах, Даьхен хӏама лорадара наькъах. Хаттар-жоп долаш дӏаяхар из кхетаче.
Къонабарий дукха хаттараш дар тӏема аренашка лаьттача нахага дала. Боккхагӏбараша царна хьалхадаьккхар вӏаший тӏаотташ, оагӏув хьаллоацаш, Даьхен хӏама дега боча долаш, лорадш хила везилга.
«Сердалона» интервью луш цу кхетачен хьалха лаьттараша белгалдир, иштта йола кхетаченаш къонабарашта пайда беш йолга.