Матвиенко Валентина яьча денца дькъалайийцар вай Мехкадас
07.04.2026 10:04
РФ Федеральни Гуллама Федераце Кхела кулгал деш йола Матвиенко Валентина яьча денца даькъалайийцар вай мехкадас Келаматанаькъан Махьмуд-ӏаьлас. Из хоам «Сердалога» бир мехкадаь зарбан болх лелабераша.
«Дуккхача шерашка ший болх дӏахьош йола из хьаким нахага ладувгӏа, царна терко е ховш хилар, баркал оалийташ хӏама да тахан. Лоархӏаме, боккха болх ба тахан цо вай мехка дӏахьор, шийна могачох моттигашкара хӏама хьаллоацаш къахьег цо. Вай мехка къаьстта лоархӏаме да цун моллагӏа гӏулакх тӏадахьа, бахархой хьал тоадара тӏехьа гӏо деха йиш хилар», - белгалдир вай Мехкадас.
Могаш, маьрша йолаш, иразе, аьттонца, хӏанз санна лакхача боараме ший декхараш кхоачашде хьожаш, яха даькъалайийцар Матвиенко Валентина вай мехка Кулгалхочо.
