КИФ-2026. «КП» интервью луш, республике де лерхӏачох дийцар Мехкадас
Гӏалгӏайчен кулгалхочо Келаматанаькъан Махьмуд-ӏаьлас, «Комсомольская правда» газета интервью елар, Кавказа инвестиционни форум дӏахьоча майдан тӏа, яхаш, хоам бу «Сердало» газетага республикан кулгалхочун зарбан болх лелабераша.
«Цига дийцар КИФ-2026 балха юкъе Гӏалгӏайче дакъа лоацаш хиларах, хьалхале лелаеча вузашца, Газпромбанкаца, иштта «Юкъарлон таро» АНО-ца бартчӏоагӏош еш кулгаш яздарах, тӏехьарча шера баьча балхах», - аьлар Макшарипа Махьмуд-Ӏаьлас.
Мехкадас дийцар республике промышленноста балха хьал дика латташ, туристаш дукхагӏа хиларах, йоккхий инвестице проекташ вахара юкъейоаляарах, керда балха моттигаш хьакхолларах.
Иштта терко тӏаяхийтар, хьалхашка оттадаь декхараш кхоачашдара, республике тахан дика хьалаш хьакхоллаш хилара. Уж я йоала лаьрхӏа хьакхолла таронаш, бизнес лелаерашта йоал ялара хьал аттача даккхар; тӏаьргашка гӏолла доацаш, лаьтташ луш хилар. Цул совгӏа, инвесторий лаьттах бала беза мах 95% кхаччалца лохбаьб.
Туризмах дувцаш, Макшарипа Махьмуд-Ӏаьлас белгалдир керттера хаттараш, цар тӏаоз эзараш нах вай республике.
«Нах хьабоагӏа, ӏалам хоза хеташ, истори довза ловш, сатем безаш. Цу хьакъехьа Гӏалгӏайче царна накъайода массадолча хаттарех», - аьлар цо.
Гӏалгӏайчен Кулгалхочо лакха мах оттабир инвестицей кхетаченна; из инвесторашца, федеральни дегӏаахара институтаца, банкаца, РФ кхыча республикерча балха новкъосташца бувзам хоттара йола йоккха таронаш лу майда хилар белгал а деш.
