ГӏалгӀайчен Кулгалхочун кхетаче хилар, вай мехкарча Катара викалца
Москве кхетаче хилар ГӏалгӀайчен кулгалхочун Келаматанаькъан Махьмуд-Ӏаьлий, Катара викал волаш Россе болх беча, Сий долча Ахмед бин Хассан Аль Хаммадеца.
Мехкадас дийцар Катарерча викалца шин оагӀорахьара гӀулакхаш дегӀадоаладара дола хаттараш, цо терко тӀаяхийтар керттерча оагӀонашта: экономиканна, юртбоахама, туризма, культуранна. Республикан кулгалхочо белгалдир ГӏалгӀайче йоккхий таронаш хилар, Катарерча бахархошта уж йовзаш хургья хӀанз кхы а дукхагӀа, аьнна.
«Боккхача безамца аз Сийдолаш вар вийхар лаьрххӀа ГӏалгӀайче - цунна гойтар духьа вай мехкара хозал, хьаьша тӀаэца вайна ховш хилар дӀагойта, вай къам дӀадовзийта, иштта инвестицей таронаш гойта», - аьлар республикан Кулгалхочо.
Цун пресс-службе ма аллара, из вайцига ва лаьрхӀа ва укх гуйрийна. Келаматанаькъан Махьмуд-Ӏаьлас ше тешаш ва аьлар ГӏалгӀайченна, Катара юкъера бувзамаш дика а, шоайла пайдане а хургда, аьнна.
