ГӀалгӀайчен Кулгалхочун вӀашагӀкхетар хилар, Къилбаседа Кавказа куран Росгварде кулгалхочунца
ГӀалгӀай мехка кхетаче хилар республикан кулгалхочун Келаматанаькъан Махьмуд-Ӏаьлий, Къилбаседа Кавказа Россе къамий гварде куран бӀуна кулгалхочунца, инарал-полковникаца Спиридонов Владимирца. Из хоам бир ГӀалгӀай Республикан Кулгалхочун, Паччахьалкхен зарбан болх лелабераша.
Макшарипа Махьмуд-Ӏаьлас дег чура даькъалавийцар Спиридонов иштта лакхача дарже из хьожаварца, кердача балха даькъ тӀа толамаш дахара ловца а боаккхаш.
«Со тешаш ва, цун профессиональни дикал, цо дукхача шерашка болх баь хилар, цу даькъе Къилбседа Кавказе гӀолла а, дикача оагӀорахьа накъадаргда аьнна, Лакхерча Главнокомандующе-Россе Президента Путин Владимира хьалхашка оттадаь декхараш кхоачашдеш, - аьлар мехка Кулгалхочо шоай кхетачен чаккхе еш.
Цул совгӀа, цар дийцар бувзам лелабара керттера хаттараш, цу юкъе терроризм, экстремизм а йолаш. Керттера терко тӀаяхийтар, республике дукха нах вӀашагӀкхеташ йола мероприятеш дӀахьоча хана, де дезар лерттӀа вӀашагӀдоллара.
