Кубане хиннача хатарца бувзабенна кодам бийцар вай Мехкадас
Сийсарарча бийсан доккха дов даьд, Краснодаре бахача маьршача наха. Геттара чIоагIа дега Iоткъам беш да бейнарашта юкъе бераш хилар. Краснодарерча губернаторга Кондратьев Вениаминага, иштта Кубанерча бахархошка, цар оагIув хьаллоацаш, дог тедеш къамаьл дир, кодам бийцар вай мехкадас Келаматанаькъан Махьмуд-Ӏаьлас, ГIалгIай мехка бахача наьха цӏерах а къаьстта шийгара а.
ГIалгIайчера нах из хIама чIоагIа новкъа долаш, цу юкъе нийсбеннарех дог лазаш ба. Маьршача наьха вахар хадар чIоагIа хала да, хIаьта царна юкъе бераш хиларо къаьстта Iоткъам бу. Бер дIадаьнна бисача даь, наьна дегаш хьаста, теде цхьаккха хIама корадергдац, йийца варгвоаца йоккха сагото я из.
Бийсан хиннача цу довна юкъе нийсбеннарашка могачох сатохар дехаш, сихагIа меттабахкар ловш къамаьл дир вай Мехкадас.
