Гӏалгӏайчен Кулгалхочо кодам бийцар, Новороссийске хатар хинна бейнача нахах
Тов бетта 9-гӏа ди тӏакхоачаш, Краснодарски мехка Новороссийске, чу саг воаца гӏетташ йола аппараташ чухийца, наха зулам даьлар. Цига виъ саг велар, царна юкъе цхьа бер а да. Лаьрххӏа беча хоамах ховш да, шоай фусамашка маьрша баьхача 29 вахархочун човнаш хиннилга. Гӏалгӏайчен кулгалхочо Келаматанаькъан Махьмуд-Ӏаьлас кодам бир, из хатар нийсденна хилар дег чура хала а хеташ, Краснодарски мехка губернаторга Кондратьев Вениаминага.
Республикан Кулгалхочо белгалдир, маьрша нах боабар - из кхы меттаотталуш доаца доккха зе да, цар гаргарча наьха хӏара фусаме чудена.
Гӏалгӏайчен берригача бахархой цӏерагӏа, мехкада волча Келаматанаькъан Махьмуд-Ӏаьлас, цу хатара юкъе нийсбенна нах сихагӏа берзар ловш, царна моаршал кхайкадеш, ловца баьккхар. Цо иштта дийцар, Новороссийска, берригача Краснодарски мехка бахархой цӏагӏара бала цхьана бекъаш ба Гӏалгӏай мехкара нах, иштта кийча а ба царна эшаш дола новкъостал де, яхаш.
Цу бус вай мехка дукхача моттигашка гӏетташ йола аппараташ чуйийттай, цу юкъе нийсъелар Новороссийск а. Россе геразашцарча низий Министерствос хоам бу, 2026 шера тов бетта 8-ча дийнахьа, шийттлагӏа сахьат долча ханагара 20:00 даллалца, тов бетта 9-ча дийнахьа 8:00 даллалца, ха деча даькъ тӏа хьалаьцар 596 Украинера БПЛА.
