Мехкарча Къаман фронта балха лакха мах оттабир вай Мехкадас
15 шу хьалха РФ Президента Путин Владимира чӏоагӏонца хьакхеллар Ерригача Россе Юкъара къаман фронт. Цу юкъа миллионаш мехках дог лазаш бола нах вӏашкаэзаб цу гӏулакхо. Къаман фронто тахан кхоачашдераш доккхий, лоархӏаме декхараш да. Цу юкъе да экологе хӏама лорадар, наькъашта тӏахьожам лоаттабар, СВО доакъашхошта гӏо дар.
Боккхача мехка хӏара моттиге лоархӏаме хувцамаш деш, дукха дикаш доаржадеш болх ба ОНФ дӏахьор. «Юкъарча Российски фронта вай регионерча оагӏоно массахана бувзам лоаттабу бахархошца, иштта наха, мехка лоархӏаме йола вахара оагӏонцара проекташ йоаржаяра тӏехьа къахьег.
Къаьстта терко е езарех да Къаман фронта хьинардараша тӏема операце доакъашхошта гӏо лоаттадар, «Деррига а Котало бахьан» яхача йоккхача проектага гӏолла къахьегаш хилар», - яздир ший Телеграм-оагӏон тӏа вай мехкадас Келаматанаькъан Махьмуд-Ӏаьлас. Къаман фронта берригача доакъашхошта, хьалхалаттарашта баркал оалаш ва вай Мехкада.
Республикан кулгалхочо белгалдир, шоай гӏулакх цу наха бехктокхаме дӏахьош хиларах эггара чоалхане дола кхоачамбоацараш меттадоаладе аьттув боалилга. Могаш, маьрша болаш, аьттонца шоай никъ дӏахохьо даькъалабийцар Къаман фронта доакъашхой Мехкадас.
