Халкъашта юкъерча доттагӏала клуба, кагирхой гӏулакхех йолча комитета кулгалхой кхетаче хилар
10.08.2026 12:53
Магасерча кагирхой цхьанкхетарий Цӏагӏа доттагӏалах йолча Халкъашта юкъерча клуба хьалха латтача Оздой Харонаца вӏашагӏкхетар дӏадихьар кагирхой гӏулакхех йолча Комитета кулгалхочо Пхьошанаькъан Зоврбика. Кхоачашде дезача гӏулакхех, цхьана бувзам лоаттабеш, болх дӏабахьарах дийцар цар.
«Къаьстта терко еш дийцар кхетаче кагирхоша юкъарча, дешара проекташка дакъа лацарах, цу оагӏонцарча кердадарех, кагирхой моттигашта юкъера бувзам чӏоагӏбарах», - йоах «Сердалога» тахан цигара кхаьчача хоамо.
Кагирхой гӏулакхех йолча моттигаша цхьана болх дӏахьош хиларо дикагӏа тоадергда цу оагӏонцара гӏулакхаш.
Мехкарча къонабарашта хьалхашка керда, пайдане хургдола наькъаш хьаделла аьттув хургба дикка къахьегарца, вӏаший бувзам лоаттабарца.
