Заьзгакъонгий-Юртарча наьха дехар теркалдир Минавтодора кулгалхочо
05.08.2026 11:33
Магӏалбика кхален бахархой дехар теркалдир мехкарча наькъий, машиний гӏулакхех йолча Министерствон кулгалхочо Хаматхананаькъан Батыра. Интернета оагӏонашка гӏолла къамаьл деш хиннача Заьзгакъонгий-Юртарча, Кердача Редантерча бахархошца кхетаче дӏайихьар цо.
«Шолжа-шахьар-Горагорск-Магӏалбик» яха никъ тоабар дехаш бар нах. Бахархоша дувцачунга ладийгӏа, ший болхлошца цу наькъа хьал тохкаш хилар хьаким», - йоах «Сердалога» тахан бенача хоамо.
Минавтодора кулгалхочо белгалдир; цу моттига кхерамзлен хьал меттадоаладеш ма хулла сихагӏа болх дӏаболабергба, аьнна. Хаматхананаькъан Батыра ше тӏахьожам бе лерхӏ цу балха.
