СВО ветеранашца кхетаче дӏайихьар «Даьхен лорабой» яхача ганза мехкарча филиала кулгалхочо
Россе тӏема операце ветераний хьашташ кхоачашдара тӏехьа, къахьегаш ба мехкарча филиале. Илдарха-Гӏалий тӏа ветеранашца кхетаче дӏахьош хилар филиала кулгал ду Абаьданаькъан Ислам. Паччахьалкхен оагӏонца терко лоаттаярах дийцар цига, иштта бӏухой вахарера гӏулакхаш дайзар. Тӏема аренашкара цӏабаьхкачул тӏехьагӏа, дикка меттабахка безача ветеранашта лоархӏаме да из терко яр.
«СВО хӏара доакъашхочунга ладийгӏар Абаьданаькъан Ислама. Къаьстта терко еш дийцар цига пенсионни, вахара оагӏонашцарча гӏулакхех, ветеранаш санаторе салаӏа бахийтарах; массахана царца бувзаме болаш, цар хьашташ кхоачашдарах. Филиала юридически оагӏонцарча гӏулакхех болча болхлошта, иштта кхыбарашта декхараш тӏадаьхкар. Хӏаьта прокуратураца дувзаденнарашта ше тӏахьожам лоаттабергболаш ва из», - дийцар «Сердалога» «Даьхен лорабой» яхача ганза филиала зарбан болх лелабераша.
Абаьданаькъан Ислама белгалдир республикан массайолча муниципалитеташкарча ветеранашца бувзаме волаш, цар хьал довзаш, фу эш хьожаш хила везилга. Иштта дӏакхухьача кхетаченаша дикка пайда бу цу оагӏонца.
