Шолжа кхален кулгалхочун вӀашагӀкхетар хилар ДОМ.РФ ганза болхлошца
Тха «Сердало» газето хьалха яздаь ма хиллара, селхан бартчӀоагӀама кулг яздир ГӀалгӀай Республикан Паччахьалкхено, ДОМ.РФ. ганзо, шоайла бувзам лелабергболаш. Из барт баь хилара кӀийлен тӀа, тахан Шолжа кхален культуран ЦӀагӀа кхетаче хилар Татенаькъан Ӏийсай, ДОМ.РФ. ганза болхлошца, яхаш, дийцар «Сердало» газетага доал деча даькъ тӀа.
Кхетаче дӀахьош дийцар, Магас-Шолже гаргаозарах, нах вӀаший кхотабенна баха ховшабарах, цу юкъе йоагӀаш йола ГӀажарий-Юрт, Эбарга-Юрт чу а лоацаш.
«ДОМ.РФ. проекта отдела кулгалхочо Голубева Ксене лоацца дийцар ший отделах лаьца, иштта кхален инфраструктура дегӀайоалаярах, моттигерча бахархой вахара хьалаш тоадарах, шахьара дика хьалаш хьакхолларах дола керттера дешаш.
Ший оагӀорахьара кхален кулгалхочо Татенаькъан Ӏийсас белгалдир, ше цхьана болх бе кийча хилар, иштта дӀахо а лаьрхӀачунга кхачара кхетаченаш дӀаяхьа раьза хилар», - аьлар Шолжа кхален администраце.
