ГӏалгӀай керттерча библиотеко ший болх дӀаболабир 33 шу хьалха
33 шу даьлар Янданаькъан Жамалда цӀерагӀа Къаман библиотека хьакхелла, яхаш, дийцар «Сердало» газетага ГӀР Правительствон зарбан болх лелабераша.
«1993 шера бекарга бетта 6-ча дийнахьа хьакхеллар республикански библиотека. Цу хана хӀаьтта мара ший паччахьалкхе вӀашагӀъелла йоацача мехка из лоархӀаме моттиг яр», - аьлар хоамо.
Из хьакхеллача дийнахьа денз, библиотека хилар дешара, культуран керттера майда, иштта лорадаьд гӀалгӀай къаман историко-культуран тӀехьален мах бараш. Каст-каста чакхдоах цӀихезача нахацара вӀашагӀкхетараш, книжкаш довзар, кхетам балара семинараш, кхыйола пайдане кхетаченаш. Цу моттиге таро хул дукхача кхоллама наьха шоайла дагабала, саг дика дегӀавара хьаэца хӀама да цига.
Российски Президента Путин В.В. могаеш йола «Дезал» яха къаман проект кхоачашъеш, карарча хана цига дӀахьош да капитальни ремонта балхаш.
