Дукха бераш долча дезала бокъонаш меттаоттайир УПЧ
Сурхо тӏа яхаш йола пхе бера нана ера УПЧ латкъа. Дӏадахача шера лайчилла бетта пхелагӏа бер тӏакхийттад цун дезале. Бера нана ше, иштта цун цӏен-да балха бац. Россе вахара оагӏонцарча ганза вай мехкарча моттиге дехар чуденнад цо, ший бера «цкъара» пособи хьахьожадар дехаш, бакъда вокхар из къоабалдаьдац.
«Цу гӏулакха оарцагӏваьннача сага бокъонех волча викало СФР гӏолла хьатехкар из гӏулакх ма дарра. Мехкарча моттиге цун дехар дӏатӏацаэцар тӏехьагӏо цӏен-да балха оттарца дувзаденна хиннилга гучадаьлар, хӏаьта а бер малхадаьннача хана уж шаккха цхьаннахьа болх беш цахиларах, пособи доагӏаш да, хьахьожадир Россе Вахара ганзо.
29 941 сом ахча хьаийцар пхе бера нанас, боаггӏача боараме меттаоттайир цун бокъонаш», - дийцар тха газетага мехкарча УПЧ.
