Гӏалгӏайчен шахьар а юрт а вӏаший хоттаргья кердача, дикача наькъо
Наьсарен кхален наькъага хьожа болхлой къахьегаш ба Илдарха-Гӏала – Яндаре яха машиний никъ тоабеш. Из хоам «Сердало» газетага бу доал деча даькъ тӏарча администраце.
Шахьар а юрт а вӏаший хотташ бола никъ ӏобуллаш латт «Вахара хьалаш» яха къаман программа кхоачашъеш.
Белгалдаккха деза, Гӏалгӏайчен бахархой белгалбоалаш ба массахана хьинар долаш хиларца, хьалхалатташ, ха ца йоаеш, моллагӏа хӏама дӏахьош хиларца. Дика никъ царна даим а доккха совгӏат хиннад.
«Из болх белггала ба цун лоархӏам боккха хиларца: дукхагӏа бола никъ - юкъарча 11 554 метрах 5283 метр - Яндаре гӏолла бодаш ба, цо чулоац Орджоникидзе, ӏоахарганаькъан урамаш»,- аьлар хоамо.
Цу балха даькъ тӏа къахьегарий тоаба наькъа шоллагӏа бола оаса бахийта йолаелар, иштта хьадеш да гӏашлой наькъаш. Орджоникидзе урам тӏа наькъий болхлоша дика къахьийгар: 3200 метр хьалхара наькъа оаса ӏобиллар, цул тӏехьагӏа керда тӏий хьалдир, из карарча хана дика накъадоал.
Хьалха де дезар дукха да, де дезачоа юкъе да наькъа оасаш дахкар, автобусаш сувцаш йола моттигаш вӏашагӏйохкар, наькъа гӏармаш оттаяр, иштта кхыдола декхараш кхоачашдар.
Новкъа лелара кхерамзлен чудоагӏаш Яндарерча №1, №2 йолча юкъерча ишколашта тӏабода никъ тоабергба.
Укхазара деррига балхаш даь даьнначул тӏехьагӏа, керда никъ лела атта, кхерамзле йолаш хургба, дика йовзаш йолча шин юрта юкъе.
