ГӀалгӀайчен лоамашта бӀарг тӀаотт, мехка массайолча миӀингашкарча туристий
Тахан дунен тӀа белгалдеш да лоамий ди. Из чӀоагӀдаьд 2003 шера ООН Генеральни Ассамблейс, оагӀой бетта 11-ча дийнахьа. ООН беча хоамах, 15% адам дахаш да лоамашка. 50% биологически тайп-тайпара вахар да цига. Адамленах ахаш хиллал бола нах тийша ба лоаман таронех. Цунах дийцар «Сердало» газетага республикан къаман министерстве.
«ГӀалгӀайчен лоамаш белгалдоалаш да шоай хозалца, ирача мухаленашца. Уж дика мегаш да, Ӏалама тайп-тайпара къайленаш гучаяха ховш болча наха.
Лоаман довкъаша, лакхаленаша гӀибухен деррига дакъа хиллал моттиг дӀалоац. Маьтлоам, Шан, ЦӀайлоам оала лоамаш- ГӀалгӀайченца нийсдеш да.
Эггара республикан лакхагӀа лоархӀаш бола лоам ба Шан (цун лакхал 4451 метр я). Цун цӀи ГӀалгӀайчен ша (ледник) яхачара хьайоагӀаш я», - аьлар къаман политикан министерстве.
