ГИБДД болхлоша, ЮИДовцаша машинаш шортагӏа хехкара тӏахьийхар мехкахой
Дешара шу хьатӏаоттарца «Лораде вахар! Шортагӏа лалла машин» яха болам дӏахьош хилар мехка шахьарерча ОГИБДД болхлой, иштта №17 йолча ишколера ЮИД тоаба. Машинашца леларашта хьалхадаьккхар, наькъашкара бокъонаш лораеш, сабарца дӏавахар лоархӏаме долга.
«Машинаца воагӏар чӏоагӏа фийла, гонахьарча наьха уйла еш хила везилга, массарел хьалхаийккха дӏаваха гӏортар воча гӏулакхех долга белгалдир болама доакъашхоша. Къаьстта терко е еза цу гӏулакха, дешара моттигашта гарга волча хана. Из деррига хьалхадоаккхаш дола каьхаташ дӏадийкъар ГИБДД болхлоша, ЮИДовцаша машинаца боагӏарашта», - дийцар «Сердалога» вай мехкарча Россе МВД болхлоша.
ГИБДД къахьегамхоша теркалдир, наькъашка хулаш дола хатараш дукхагӏча даькъе машин сиха лалларах, наькъашкара бокъонаш лоархӏаш цахиларах хулаш долга. Дешара шу хьаоттарца, наькъашка къаьстта дукха бераш хул, цунга хьежжа массадолча хӏаман уйла еш, водача ма хулла сихагӏа дӏакхача корзагӏваьнна хила йиш яц машинаца водар.
