Госавтоинспектораша хьалхадаьккхар, Маьтлоам тӏа бода никъ къайла хилар
Гӏалгӏайчен Жӏайрахьа кхален наькъа полице хьалхадаьккхар «Бейни - Маьт-лоам» машиний никъ къайла хилар. Из никъ лаьрххӏа къайла ба массайолча машинашта, из юкъедаьннад 2023 шера денз ӏаьдала амарах.
«Цун бахьан да, цу даькъ тӏара кхерамзле лакха хилар. Цига гӏолла машинаца ваха кхераме да сага. Бакъда иштта дар аьнна доацаш, цхьабола нах, из никъ къайла бале а, цига гӏолла лелаш моттиг нийслу», - аьлар «Сердало» газетага Гӏалгӏайче гӏолла йолча Россе МВД.
Дӏакъайлача наькъ тӏа лелар административни бокъонаш телхаеш хилар да. ОГИБДД тоаба лаьрхӏа я цу гӏулакхацара къовсам чӏоагӏбе. Уж бокъонаш телхаерашта духьала административни бехк бергба законо дӏадеххача беса.
Жӏайрахьа кхален Госавтоинспектораша нах тӏахьех, сакхетам болаш хилара, шоай вахар лорадара.
