Юртбоахама хьал тоадара тӀехьа доккха гӀо ду паччахьалкхен программаша
2024-ча шера бӀаьстан тӀехьарча бетта денз, дикка хувцамаш хиннад юртбоахаме, хьайийллай керда беркате моттигаш. Из хоам «Сердалога» бир юртбоахама гӀулакхех йолча Министерствос 2024-ча шерарча гуйран хьалхарча бетта 4-ча денгарча «Мехка экономика» яхача Россе банка доклада тӀатайжа. Из доклад оттаеш болх дӀабихьаб 15 эзар совгӀа моттигаца, царна юкъера 100 вай мехка къахьегаш я.
«Вай республике хьалъе йолаяьй 20 тонн совгӀа шура бетта чакхйоаккхаргйола комбинат. Цо арахецаргья нахча, кӀолд, йогурт, ета шура, тӀоа. 280 млн сом рузкъа да цу моттига хьакъоастадаьр. Иштта 2023-ча шера паччахьалкхен программо гӀо деш, дикка тоаяьй хьайбаш леладу моттиг. Таханарча дийнахьа цу юртбоахаме 600 совгӀа детташ доахан да, кхы а дукхагӀа хилийта лаьрхӀа ба.
«Къамашта юкъера коопераци, экспорт» яхача къаман проектага гӀолла дикка кхоачам арахьа дӀабахьийта аьттув баьннаб мехка. Ахчанга диллача, 7,7 млн доллар да из. ДӀадахача шера хинначул 15% дукхагӀа хул дувца беркат. ДукхагӀча даькъе хьоари кхыдола ялати да из», - дийцар тха газетага.
