ИЗО музее «Суртанчацарча кхетаче» дакъа лоацаш хилар Каренаькъан Мухьмад
Суртанча вена, кхетаче дӏахьош хилар ИЗО музее. Бӏарахой Элизас дӏахьош йолча программа хьаьша хиннар вар цӏихеза суртанча, пхьар Каренаькъан Мухьмад. НТРК «Магас» НТРКаца музея болхлоша цхьана дӏахьош йола проект я из. Цу проектага гӏолла цӏихеза суртанчаш бовза, царца къамаьл деш ха дӏаяхьа аьттув хул вай къонабарий.
«Мухьмада цу кхетаче дийцар ший кхоллама никъ мишта, маца дӏаболабелар, ший балха тӏехьа эггара керттера дола хӏамаш малагӏаш да. Къаьстта терко еш дийцар цо вай ӏадаташ довзийташ йолча хӏамаех. Къонабарий дукха хаттараш дар цунга, хӏаьта Мухьмад къонача тӏехьенца кхетаче хилара геттара раьза волга гуш дар цун къамаьлах», - дийцар «Сердалога» мехкарча ИЗО музее.
Суртанчас доккха баркал аьлар из проект хьакхелларашта. Хӏаьта шийца кхетаче дӏахьош хинна къонабараш, цхьаккха хӏамах ца кхераш, доккхача толамашка кхачара тӏехьа хьинаре къахьегаш, шоай начӏал доаржадеш хилара тӏахьийхар цо. Хьаьшо совгӏаташ делар берашта.
«Каренаькъан вежарий. Кхоллам вахара оагӏув» яхача гойтама каталогаш дӏаелар цо кхетаче дакъа лоацаш хиннарашта. Чӏоагӏа раьза долаш, дог айденна дӏа-хьа къаьстар цигара бераш.
