ЦУРа болхлой кхетаче хилар, мехкарча кагирхой гӏулакхех йолча моттиге
Мехкарча кагирхой гӏулакхех йолча керттерча моттиге, гулбенна хилар республикерча ЦУРа болхлой. Бахархошкара тӏалаттача хоамашцара, дехарашцара болх дӏабахьар мишта лел, дехарашта жоп далар, гӏулакх къоастадар мел ха дӏалоацаш хул дийцар цар. «Сердалога» из хоам бера цу моттигера.
Кхетаче гулбеннараша белгалдир цу балхацара керттердараш. Сайташка, чат-боташка, электронни почтага, вахара оагӏонцарча моттигашка гӏолла; нахаца бувзам лоаттабарах, хӏара гӏулакха ларах тохкам барах, цхьаккха дехар терко йоацаш ца дитарах дийцар цига.
Ше-ший оагӏонга хьежжа къоастадеш; дехараш, хоамаш цар ларах болх дӏабахьа безарашка дӏакхачийтар миштта латт дийцар ЦУРа къахьегамхоша.
Къаьстта терко йир бахархошца бувзаме хилара. Тӏалатташ дола хаттараш, дехараш тайп-тайпара хиларга хьежжа; уж дашхар, кхача деззача дӏакхачийтар, жоп далар ха эшаш болх ба; хӏаьта ЦУРа болхлоша тахан къахьег цхьаккха гӏулакх терко йоацаш дусаргдоацаш, болх дӏабахьар ма хулла сихагӏа хургдолаш.
Цун балхаца лоархӏаме да из.
