Гӏалгӏай мехкарча яхьашка 41 майдилг йоаккхаш, белгалбаьлар Долакха-Юртара грэпплераш
16.04.2026 11:23
Долакха-Юртарча спорта ишколера грэпплераш 41 майдилг йоаккхаш белгалбаьлар мехкарча яхьашка. Из хоам «Сердалога» бир ДЮСШ доакъашхочо Гаракхой Шамала».
Вай мехкарча тайп-тайпарча спорта ишколашкара бераш дар Яндаре шин дийнахьа дӏахьош хиннача яхьашка гулденнараш. Долакха-Юртарча спортсменаша 9 дошо, 12 дото, 20 борза майдилгаш яьхар цига. Осменаькъан Мухьмад-Амин, Ӏарчакханаькъан Джабраил, Дударанаькъан Расул, Гайтанаькъан Рамзан, Олганаькъан ӏаддал-Малик, Гелисханаькъан Халид, Гӏарбакханаькъан Ислам, Дзовранаькъан Мухьмад-Сали, Гайтанаькъан Ӏарби лакхерча лагӏа тӏа баьлар.
Доккха дакъа цу толаме дӏалаьцарех ва тренер вола Гелисханаькъан Ӏаддал», - дийцар тха газетага.
