Мехкашта юкъерча яхье дакъа лаьцар Яндарерча грэпплераша
«Грепплинг» - AGL-3 мехкашта юкъерча турнире котало яьккхар Яндарерча спортсменаша. Из хоам «Сердалога» бир цар тренераша.
«Дикка белгалбаьлар «Чемпион» яхача ФОКа спортсменаш. 24 дошо, 12 дото, 20 борза майдилгаш яьхар цар цу яхьашка. Эггара лакхерча лагӏа тӏа ваьлар Доврбиканаькъан Адам, Эсамарзанаькъан Халид, Султиганаькъан Мухьмад-Хьусен, Къоастой Билал, Овшанаькъан Ахьмад, Доврбиканаькъан Мухьаммад, Цхьорой Адам, Хазанаькъан Ваха, Гӏоандалой Анзор, Ужахьанаькъан Ризван, Хьоашаланаькъан Тимур, Доврбиканаькъан Мухьмад-Амин, Гӏоандалой Хас-Ахьмад, Шоанахой Хьамзат, Йовлой Абдуллахь, Цхьорой Рамзан, Чӏасанаькъан Мовсар, Йовлой ӏаддалоах, Латаранаькъан Солехь, Коазой ӏазим, Товтанаькъан Абу-Бакр, Султиганаькъан ӏалихан», - дийцар тхога ФОКе.
