Хьалхарчарца кхетаче дӏахьош хилар, вай мехкара цӏихеза спортсменаш
«Хьалхарчар болам» яхача оагӏон доакъашхошца кхетаче хилар Магасе олимпийций, паралимпийций, ММА латархой. Из хоам «Сердалога» цу моттигера бера.
«Магасерча гӏо дечар моттиге хилар кхетаче. Нохчий мехкарча спортахи физически культурахи йолча министерство «Боккхача толамга бодача спорта наькъ тӏара халонаш» яхача федеральни проектага гӏолла дӏахьош болх ба из. Цига баьхкабар армрестлингах вола Россе, дунен чемпион МСМК Шехсаидов Карим; Европан, халкъашта юкъерча яхьий чемпион Хоаной Мухьмад-Тӏахӏир; АСА лига вице-президент Бадаев Асланбек, ММА латархо Йовлой Мовсар.
Спортсменаша дийцар шоай хьалхарча толамех, цу наькъ тӏа къахьегаш нийсъеннача халонех, иштта кхычарех»,- йоах хоамо тха газетага. «Хьалхарчар болам» яхача оагӏон доакъашхо волча Налганаькъан Рамзана белгалдир, кхетаче дакъа лаца бойлахьа диса, дегӏа могашал эшаенна бераш дийха хиннилга.
