Регионера тока хьал меттадоаладеш хилар мехка
29.03.2026 18:42
Тушола бетта 28-ча дийнахьа геттара чӏоагӏа хиннача догӏах 0,4 кВт йолча тока моттиге хатар хилар. Наьсарерча, Илдарха-Гӏалий тӏарча, Шолжа шахьарерча моттигашка дукхагӏа хилар гӏо эшаш дола хьал.
«Къилбаседа Кавказа Россетий» - Ингушэнерго филиала болхлоша (ворхӏ тоабанца 20 саг) тока моттигашкара хьал меттадоаладеш къахьийгар. Филиала кулгалхочун декхараш кхоачашдеш волча Котаганаькъан Кимрана тӏахьожам лоаттабеш, дӏабихьар из болх.
Карарча хана мехкарча массайолча моттигашкара тока хьал меттадоаладаьд. «Ингушэнерго» тоабаша ди-бийса ца къовсаш, терко лоаттаеш лораду из гӏулакх.
