Гӏалгӏайче дакъа лоацаш хургья «София» яхача кераста динца ювзаеннача фестивале
Гӏалгӏайче ший культуран тӏехьале гойташ хургья, «София» яхача кераста наьха культуран ӏадатий ХII-ча Фестивале. Доккха кхоллама хьажар дӏахьош да Ерригроссийски болама хьисапе, из хургья 2026 шера тов бетта 14-ча денгара, ардара бетта 31 денга кхаччалца. Лаьрххӏа фестиваль хьайийллар хьалхагӏа, «Росси» яхача Къаман центре, юртарча къахьегамхой Ерригроссийски кхетаченна чуйоагӏаш яр из.
Вай республикера цу лоархӏамеча моттиге гӏоргья «Лоаманхо» яха Алхастера культуран Цӏен халхара ансамбль. Къонача артисташа «Халкъа цхьоагӏо» яха композици гойтаргья цига.
Из тоаба кийчъеш я ансамбла исбахьален кулгалхо Боканаькъан Залина. Цунна новкъостал ду Гӏалгӏай Республикан халкъа кхорллама Цӏен кулгалхочун гӏончас Котанаькъан Марема, РДНТ исбахьален кулгалхочо Абдурзакова Аьсета.
«Тхо лаьрхӏа да цу фестивале Гӏалгӏайчен культуран тӏехьале гойта, кӏоаргга гӏалгӏай ӏадаташ довзийта», - аьлар «Сердало» газетага Алхастерча культуран Цӏен кулгалхочо Боканаькъан Заретхана.«София» фестивале дакъа лацар - из къонача начӏалашта дика таро я, берригача мехка шоай цӏи йовзийтаргья, иштта культурашта юкъера къамаьл хургда.
