Этнографеца дувзаденна доккха диктант
Укх шера чиллан бетта 3-12 деношка Хӏ Дунен халкъашта юкъера кхетам лакхбеш дола «Доккха этнографически диктант» хургда. Дешарца бувзабенна болам юкъебихьаб Россе къамий цхьоагӏон шера хила езача керттерча моттигашта. Россе къамий гӏулакхех йолча агентствоси цунца оагӏув болчари лаьрхӏача цу гӏулакхо доккха паччахьалкхен гӏулакх кхоачашду. Из болх тӏаберзабаь ба российски юкъарча бахархой белгалонаш гойтара, эхь-эздела ӏадаташ шерра доаржадара, вай массане цаӏ бола исторически дагалоаттам лорабара. Из хоам «Сердало» газетага бир Гӏалгӏайчен паччахьалкхено.
Лоархӏамегӏа йола моттиг а хинна дӏаоттаргья цу дерригача гӏулакха юкъе, керттера майда хьаеллар, из хургда чиллан бетта 3-ча дийнахьа Москверча Конгресс-центра «Дунен халкъашта юкъера мах бара центр» оалача моттиге, «Россе къамаш» яхача кӏира чудоагӏаш. Этнографех шоашта фу хов хьажа безам бола моттигашкара бахархой из де таро хургья шоай мехкашка хьаяьча майдаш тӏа.
Диктант кийчдаьраша кердал юкъеенай укх шера – цунна юкъе оттадаьд итт гойтама хаттар. Царех пхиъ луш хургба лаьрххӏача тӏема операце доакъашхой, кхы а пхи хаттар лургда Россе дахача тайп-тайпарча къамий викалаша.
Массаза санна цу проекта юкъе дакъа лоацаш хургья Гӏалгӏайче. Цу доккхача дешара цӏайна юкъе дакъа лаца а шийна ховр тахка а йиш йолаш ва моллагӏа цун вахархо. Вайцига царна лаьрхӏа хьаяь лаьрххӏа майдаш хургья.
