Госсовете Путина къамаьл даьчул тӀехьагӀа, ГӏалгӀайче кийчлуш я экспорта наькъ тӀа яла
ГӏалгӀайчен кулгалхочо Келаматанаькъан Махьмуд-Ӏаьлас белгалдир, Госсовета президиума заседане Владимир Путина экспорт дегӀайоалаяра даькъ тӀа даь къамаьл лоархӀаме хилар. Мехка кулгалхочо яхачох, Россе Президента, Къулбехьерча мехкашца экспорта мах бар гӀулакх дегӀадоаладара хьакъехьа боккха болх дӀабахьа лаьрхӀа хиларах дувцаш даь къамаьл лоархӀаме да, цо ГӏалгӀайченна дика таронаш хьаеллаш хиларах.
«Оаха тхоашта могар дергда, цу юкъе дика дакъа лацара», - аьлар Келаматанаькъан Махьмуд-Ӏаьлас.
ГӏалгӀайчен кулгалхочо белгалдир, санкцеш духьалъяхарах, экспорта йохьийташ йола продукци совйоалаш хилар.
«Хьалхарча аргӀагӀа из хьал да юртбоахама продукце даькъ тӀа. 2024 шера, хьоар а кӀа а кхыча паччахьалкхенашка дохкар 1,5 дукхагӀа хиннад, из да 7,7 млн доллар. Оаха лаьрхӀад 14 эзар тонн продукци ГуржегӀа, Иране, Ираке экспорта дӀаяхьийта», - аьлар мехка кулгалхочо.
«Оаха дӀаболабаьб экспортацара болх. Тхо тешаш да, мохк цу даькъ тӀа лоархӀаме моттиг дӀалоацаш хургба Къулбехьарча мехкашка», - аьлар цо.
Махьмуд-Ӏаьлас иштта белгалдир, массаболча боараме экспорт хьаллацара лоархӀам боккха хилар моттигерча Ӏаьдала оагӀорахьара.
