ГӏалгӀайче кийчлуш я, гурахьа эскаре амал де кагирхой тӀабеха
ГӏалгӀайчен Паччахьалкхе кхетаче хилар, гурахьа кагирхой эскаре амал де тӀабехар дувцаш. Кхетаче дӀахьош техкар, амал де нах тӀахьехарца дувзаденна дешаш, цу юкъе дар кагирхой Даьхенцара безам совбаккхара болх дӀабахьа безаш хилар. Из хоам «Сердало» газетага бир ГӏалгӀайчен Кулгалхочун, Паччахьалкхен зарбан болх лелабераша.
«Вай республикан хьалхашка латта декхараш кхоачаш а деш, гуйранара амал де кагирхой тӀахьехаш бола болх лерттӀа дӀабахьа беза», - аьлар ГӏалгӀайчен хьалхарча вице-премьера Йовлой Мухьмада.
Республикан тӀема комиссара Гадаборшанаькъан Зоврбика баьча хоамах, кийчон кхетаченаш планах йоагӀаш ма хиллара дӀахьош я, бакъда белгалду, царга из хоам дӀакхачийтара беш бола болх лерттӀа дӀахьош бац, цу гӀулакхах бехктокхаме йолча моттигашка.
«ЛоархӀаме да, керда тӀахьехаш болча кагирхошта, цар даьшта хьалдаккхар, уж тӀом болча моттигашка бугаш цахилар, ший ханнахьа эскаре амал дарах юхагӀерташ бараш бехктокхаме озаргхилар», - аьлар Йовлой Мухьмада.
Карарча шера, ГӏалгӀайчера 220 саг гӀоргва амал де, цу юкъе 25 саг водитель хургва, «С» категори йолаш. Амал де тӀахьийхараш хургба тӀема-космически, лаьтта латтача эскарашка, форда флоташка, Росгварде мугӀарашка, кхыча РФ герзашцарча низий Министерствон тӀема доакъошка.
«Эскаре хиларо сага оамал чӀоагӀъю, Даьхенцара безам совбоаккх, бехктокхаме ву», - аьлар Йовлой Мухьмада. «Цул совгӀа, кагирхой таро я, паччахьалкхен гӀулакхага гӀолла, балха тӀа лакхбала».
