Гӏалгӏайчено, ВЭБ.РФ керда проекташ дӏайолаярах дийцар, КИФ-2026 йолаш
Кавказа ӏӏӏ-ча инвестицей гуллама даькъ тӏа балха кхетаче хилар Гӏалгӏайчен кулгалхочун Келаматанаькъан Махьмуд-ӏаьлий ВЭБ.РФ председатела гӏончаца, правлене доакъашхочунца Керефов Мурадаца, яхаш, хоам бу «Сердало» газетага мехка кулгалхочун зарбан болх лелабераша.
Цига дийцар ВЭБ.РФ инвестицей проектий хьалех, цаӏ йола федеральни ӏnvestRussӏa балха оагӏув хьаллацарах, керда инвестицей хьал хьакхолларах. Къаьстта терко тӏаяхийтар мехка ВЭБ.РФ дакъа лоацаш хилара»,- аьлар Макшарипа Махьмуд-Ӏаьлас.
Иштта къамаьл дир коача ӏалама таронашца лелаю газ арахецаш йола завод хьалъярах, 13 эзар тонн СПГ шера луш йола доагора заправкай пункт хьаелларах. Цун мах ба 520 млн сом, цига хьакхолла таро я 40 балха моттиг. Из хьал вахара юкъедаккхара кийчъяьй бизнес-план, ахчан боарам, технически хьалаш, лакха низ бола газа турбаш дӏатӏайихьай.
Цига къамаьл деш, оагӏонаша дийцар ВЭБ.РФ «Жӏайрахь» яха парк хьалъеча дакъа лацара йолча таронех. Цу гӏишлош тӏа коммунальни, энергетически низаш кхоачам болаш хилийтара дола дош дувца дезаш да. Цу юкъе энергетически даькъ тӏара хаттар да тахка дезаш. Из лоархӏаме да, укх тӏеххьарча диъ шера ток дӏаозараш 50% дукхагӏа хиннаб.
Вай предприятеш, хьалдеш латта наькъаш, вахара гӏишлош цхьаннахьа соцаш я ерригаш – укх заман хьалаш цахилар тӏа, хьалхарча аргӏагӏа энергетически. Оаха ВЭБ.РФ цхьана лоархӏ эшаш яр я коача газ арахеца завод (СПГ), промышленни доазув дегӏадоаладар, керда маьлха йӏовхалах пайда эцаш бола низ хьакхоллар, цу юкъе маьлха станцеш йолаш. Тхона эшар да хӏара юкъеденача сомах пайда а эцаш, балха моттигаш хьакхоллаш бола бувзам лелабар. ВЭБ.РФ берригача мехка гӏолла йоккхача проекташка балха говзал я, тхона лов Гӏалгӏайче уж хьалаш юкъедоаладе», - аьлар кхетачен чаккхе ювцаш Келаматанаькъан Махьмуд-ӏаьлас.
